Inicio Que é UUAA Afiliate Sedes Servizos Suxerencias Acceso usuarios


- A viticultura en loita pola supervivencia



Meteogalicia
Ligal
Control leiteiro
Oficina agraria virtual
fogga
sixpac
UPA
DOGA
DOGA
Séguenos en Facebook UUAA Twitter UUAA flickr UUAA YouTube UUAA
Agricultura Viño

UUAA DEFENDE O FACTOR SOCIAL DO VIÑO E PIDE QUE NON SE EQUIPARE AO RESTO DE BEBIDAS ALCOHÓLICAS

A organización agraria UUAA amosou o seu rexeitamento ao anteproxecto de lei sobre consumo de bebidas alcohólicas que prepara o Goberno, polos ‘graves efectos’ que acarrearían para os viticultores galegos. O Goberno pretende equiparar o viño aos alcohois duros e establecer un forte réxime de prohibicións que a xuízo dos agricultores ‘non ten sentido’.

~~UUAA manifestouse en contra das propostas do Goberno para reducir o consumo de bebidas alcohólicas entre os menores. A organización traslada a través do seu Secretario de Agricultura, Xosé Ramón González, que lonxe de solucionar o problema do alcoholismo entre os máis novos, as medidas plantexadas poderían ‘dar a puntilla’ aos agricultores e bodegueiros galegos, inmersos nunha grave crise dende hai anos.
Os estudos demostran que o aumento do consumo de alcohol entre os novos evolucionou de xeito inverso á inxesta de viño. Nos últimos 30 anos, o consumo de viño descendeu un 40% en España, mentres que o de bebidas alcohólicas entre menores aumentou. Para os agricultores, esta norma ‘cébase co máis débil’ e ‘demoniza’ un sector que ‘non é en absoluto culpable do consumo abusivo de alcohol entre novos’.
González subscribe que o anteproxecto de lei que manexa o Goberno, pon trabas á promoción do viño en calquera tipo de medio de comunicación e segundo o sector, provocará un descenso aínda máis grave do consumo, tamén entre os adultos. O sector leva anos inmerso en programas de promoción do consumo responsable, ‘proxectos que quedarían en papel mollado en caso de aprobarse estas medidas’.
En España, o consumo de viño está regulado dende 2003 pola Ley de la Viña y el Vino. Nela, defínese ao viño como un alimento e se recoñece a posibilidade de promocionar o consumo moderado no ámbito da dieta mediterránea, algo que agora se pretende prohibir. UUAA considera unha ‘incongruencia’ do Partido Popular ‘prexudicar ao sector cando son de sobra coñecidas as manifestacións a favor do viño de moitos dos seus dirixentes’.
UUAA pedirá ás ministras de Sanidad e de Agricultura que se poñan de acordo e artellen medidas que eviten o consumo de alcohol e drogas entre os menos e ‘non destrúan un sector tan importante para Galicia e España coma o do viño’, que forma parte da cultura de todas as rexións do país e do que viven de forma directa decenas de miles de familias de agricultores e bodegueiros.





Volver





































50 años PAC







Comunidad Horta























Páxina Web de Prevención de Riscos Laborais no Sector Agrogandeiro e Forestal

©Copyright 2012 Unións Agrarias - UPA
Doutor Maceira, 13 - Baixo - 15706 Santiago de Compostela
Tlf.: +34 981 530 500 Fax: +34 981 531 724 unionsagrarias_upagalicia@upa.es
diseño web